قطرة duraline من انجلوت استخدمها مع الشدو البني للحواجب تقوي لون الشدو ولها استخدامات ثانية مثل تحويل الشدو المنثور إلى ايلاينر
مرطب نارس مع لون وحماية من الشمس 30SPF يصلح للاستخدام اليومي خفيف وحلو ويمتزج مع لون البشرة مع تغطية خفيفة ومايحتاج بيوتي بلندر او فرشة لانه مثل المرطب خفيف وينحط بسهولة بالاصابع.
سيروم العيون من نيلز يارد باللبان يغذي المنطقة ويعطيها نضارة واشراقة وممكن استخدامه لمنطقة حول الشفايف؛ للأسف ماركة نيلز يارد مو موجودة بالكويت متوفرة فقط بالامارات وقطر وسلطنة عمان وبريطانيا طبعا لانها ماركة بريطانية.
كريم اليد والاظافر من tisserand بسرعة تمتصه اليد وغني بالزيوت العطرية وزبدة الككاو شريته من لندن من جون لويس.
وأخيراً سنفرة القهوة فرانك تعطي نعومة وترجع اللون الطبيعي للبشرة والأهم ريحتها أحب ريحة القهوة شهية :)
معليش حبيت اسالك من وين شريتي سكراب فرانك واذا من برا على اي شركه شحنته لك وبكم شحنته لك
ردحذفأهلاً.. أختي شرته من الموقع نفسه ويوصل بدون شركة شحن
حذف